Израелски воен дрон се урна во Косовска Митровица

Пред скоро еден ден, воен дрон се урна на југот на Косовска Митровица. Станува збор за тактичко извидувачки дрон од израелско производство Elbit Skylark 1, потврди КФОР за косовскиот телеграф.

Додаваат дека авионот се урнал поради дефект и дека нема повредени. Исто така, нема штета, велат оттаму. Тие тврдат дека авионот паднал во приватен двор и дека вршел рутински операции за надзор.

КФОР им се заблагодари на граѓаните за нивната соработка и директен контакт со косовските власти. „КФОР сака да му се заблагодари на локалното население за нивното разбирање и соработка и за непосредниот контакт со косовските власти, овозможувајќи итно повлекување на дронот и ублажување на какво било мешање предизвикано од инцидентот. КФОР веќе започна истрага за да се утврди причината на инцидентот“.

Сопственикот на куќата во чиј двор паднал дронот рекол дека прво удрил во балконот, а потоа паднал на земја. Тој додава дека бил долг околу три метри.