Кралот Чарлс: Тажен сум што нема да присуствувам на прославата на Велики четврток

Откако му беше дијагностициран рак, британскиот монарх избегнуваше големи јавни собири.

Во видео порака, снимена пред неколку недели, кралот Чарлс Трети зборува за својата „голема тага“ што нема да присуствува на традиционалната верска служба што се одржува секоја година на Велики четврток.

Пораката ќе биде пуштена за време на службата во катедралата Ворчестер.

Тој повеќе не присуствува на јавни настани бидејќи се лекува од рак.

Наместо него, на церемонијата е кралицата Камила, каде што дели чисти пари, симболични сребрени монети.

Во пораката британскиот монарх ја повторил заклетвата „дека нема да му служи, туку ќе биде во служба на другите со целото свое срце“.

Тој особено ги пофали „оние кои ја подаваат раката на пријателството, особено во време на неволја“.

„Многу сум тажен што денеска нема да бидам со вас“, додаде тој.

75 мажи и исто толку жени ќе добијат сребрени монети, што симболично се совпаѓа со возраста на кралот.

Во пораката, снимена во средината на март, кралот цитирал и делови од Библијата.

„Потребни ни се и важни оние кои подаваат рака на пријателство, особено во тешки времиња“, рече тој.

Кралот Чарлс не се појавува на големите јавни собири, но најавено е дека ќе присуствува на Велигденската богослужба во недела, во капелата Свети Џорџ во Виндзор.

Тоа ќе биде помал собир во споредба со Велигден, но принцот од Велс, Кејт и децата нема да присуствуваат, бидејќи принцезата, на која и е дијагностициран рак, продолжува да закрепнува.