Американската пејачка Кристина Агилера (45) ги заинтригира обожавателите со провокативна фотографија на која позира гола во када, најавувајќи ги последните подготовки за годинешното одбележување на Ноќта на вештерките. Фотографијата ја објавила на Инстаграм на 28 октомври, а празникот го нарекува „Кристинавин“ (Xtinaween), пишува „Пипл“.
На фотографијата пејачката е потпрена на внатрешната страна од кадата, а градите ги прекрила со два емотикона во форма на духови. Русата коса ѝ паѓа делумно преку лицето.
„Последни подготовки пред Кристинавин“, напишала Агилера покрај објавата, придружувајќи ја со неколку емотикони поврзани со празникот.
Фотографијата предизвикала бројни реакции, а обожавателите веднаш почнале да погодуваат каков костим подготвува пејачката. Некои ја прашувале што планира, додека други се пошегувале дека би сакале нејзиното изненадување да биде најава за нова музика.
Агилера веќе има традиција да ја одбележува Ноќта на вештерките со впечатливи модни комбинации. Минатата година избрала изглед инспириран од пиратскиот стил, со црн корсет, бел фустан со набрани детали и впечатлив украс за глава во форма на брод.
Во 2024 година, пак, објавила фотографии во портокалов фустан со длабоки отвори, инспириран од празничната атмосфера. Тогаш напишала дека ова е нејзиниот омилен период од годината.
