Ликовна колонија во Вевчани – безвременската убавина на градот инспирација за уметниците

Повеќе од 20 афирмирани сликари од земјава и странство учествуваат на 11. Меѓународна ликовна колонија „Вевчански видувања“ што од 25 јуни до 10 јули се одржува во Вевчани.

Ефимија Угриноска Кукоска истакна дека оваа година учество ќе земат повеќе од 20 сликари од земјава и странство.

„Ни доаѓаат од разни страни на светот, од нашите соседи Грција, Бугарија, Србија, БиХ, Црна Гора, но и од Полска и Чешка“, истакна Угриноска Кукоска.

Првпат годинава во рамките на колонијата ќе се одржи и Летна ликовна школа за деца, на која 40-тина дечиња, под раководство на професорката Лара Ташковска ќе имаат несекојдневна можност да се запознаат со тајните на сликарската уметност.