Карлос Алкараз и Рафаел Надал ќе бидат првите ѕвезди на АТП турнирот во Барселона.
Во текот на денот организаторите ќе го претстават списокот со учесници за Сабадел опен, кој е на програмата од 13 до 21 април.
Станува збор за турнир кој е еден од најуспешните за поранешниот број еден, Рафаел Надал.
Оваа сезона Барселона треба да биде станицата каде Надал ќе ја проверува формата во потрагата по нова титула на Ролан Гарос, што е негова крајна цел.
Освен Надал, внимание како прв носител и освојувач на последните два трофеи во Барселона ќе привлече и Алкараз, шампионот на Индијан Велс.
Фактот дека ова може да биде последен турнир во Барселона за Надал ја прави евентуалната средба со „наследникот“ Алкарс уште поатрактивна.
Освен нив, најавено е дека ќе учествува и шестиот играч во светот, Русинот Андреј Рубљев, а таму ќе биде и Гркот Стефанос Циципас.
Од листата на десет најдобри играчи, осмиот и десеттиот во светот, Каспер Руд и Алекс де Минор ќе играат во Барселона.
