Британскиот возач на Мерцедес Џорџ Расел ја освои пол-позицијата за Формула 1 трката што ќе се одржи на патеката во Лас Вегас.
Расел го извозе најбрзиот круг со време од 1 минута и 32,312 секунди, втор беше Карлос Саинц (Ферари) со 0,098 секунди заостанување, додека третата позиција му припадна на Пјер Гасли (Алпин) со 0,352 секунди зад лидерот.
Чарлс Леклер (Ферари) беше четврти, Макс Верстапен (Ред Бул) заврши на петтото место, додека Ландо Норис (Мекларен) ги заврши квалификациите на шестото место.
Во топ 10 се пласираа и Јуки Кунода, Оскар Пјастри, Нико Хулкенберг и Луис Хамилтон.
Големата награда на САД се одржува во недела наутро со почеток во 7:00 часот по средноевропско време.
