Новак има златна поддршка во Париз, ова сигурно ќе му значи

Дамир Микец и Зорана Аруновиќ, српските стрелци кои го освоија златниот медал дојдоа на „Филип Шатрије“ да му дадат поддршка на Новак Ѓоковиќ.

Најдобриот српски тенисер го игра мечот од 3.коло против Германецот Доминик Кепфер и ќе му биде потребна сета поддршка од трибините.

Сигурно е дека присуството на златните стрелци ќе му помогне и ќе го инспирира да дојде до триумф сега.

Во вторникот Србија го освои својот прв медал, златен, на Олимписките игри во Париз.

Зорана Аруновиќ и Дамир Микец станаа олимписки шампиони во мешана конкуренција.

Српската двојка победи во финалето на дисциплината воздушен пиштол 10 метри против турската двојка Севал Илајда Тархан/Јусуф Дикец со 16:14.

Така, Микец го освои својот втор медал од Игрите, откако го освои среброто пред четири години во Токио.