Ѓоковиќ или Синер: Ролан Гарос ја решава лудата борба за првото место

Новак Ѓоковиќ, најдобриот тенисер на сите времиња, ја започна 427-та недела на врвот на АТП-листата и на тој начин го собори рекордот на сите времиња кој го држеше извесно време, но тронот може да се загуби во зависност од резултатите на Ролан Гарос.

Новак повеќе не зависи само од себе, туку ќе мора да ги следи резултатите на Италијанецот Јанико Синер со кој може да се сретне само во финалето на вториот Грен слем.

Новак во Женева освои 100 бода откако се пласираше во полуфиналето и сега има 9.960, додека Синер е на второто место со 8.770.

Сепак, Ѓоковиќ ги брани сите 2.000 поени во Париз, додека Синер има само 45, бидејќи беше елиминиран во второто коло претходната година.

Доколку Новак не се пласира во полуфиналето, Синер на 10 јуни ќе стане рекет број еден во светот. Но, доколку Италијанецот се пласира во финалето, ќе стигне до првото место без разлика на резултатот на Ѓоковиќ.

Се на се, нè очекуваат две луди недели во кои Новак ќе ја продолжи доминацијата или Синер за прв пат во кариерата ќе биде на 1. место.