Петтата сезона на хит-серијата „Луцифер“ почна да се прикажува на стриминг-платформата „Нетфликс“ на 21 август, но фановите ќе мора да се стрпат за да видат што ќе се случи со ѓаволот детектив дури во вториот финален дел.
„Нетфликс“ отсекогаш планирал најновото продолжение да се подели на два дела, со тоа што првите осум епизоди да завршат во клучен момент во кој се забележува долгоочекуваното појавување на таткото, Господ. Главните протагонисти Луцифер, Мајкл и Аменадил беа многу изненадени кога го видоа нивниот татко, особено ако се земе предвид колку беше таинствен во претходните сезони.
Сега, кога таткото на натприродниот Луцифер конечно се појави на сцена, фановите треба да очекуваат вториот дел од петтата сезона да биде исполнет со уште похаотична семејна драма.
„Нетфликс“ реши да ја преземе серијата од „Фокс“ по масовната кампања на фановите за спас на нивната омилена серија со ѓаволот детектив Луцифер Морнингстар.
