Мате Мишо Ковач почина во петокот, на 31 октомври, во својот дом во Сплит, на 86-годишна возраст. Легендарниот пејач ќе биде погребан на загрепските гробишта Мирогој, покрај својот син Еди, кој почина пред повеќе од 30 години.
На гробот на Еди денеска горат свеќи, а токму покрај него Мишо Ковач ќе го пронајде своето последно почивалиште, во согласност со неговата желба.
Синот на Мишо, Еди Ковач, кого го доби во бракот со поранешната сопруга Анита Батурина, почина на 9 април 1992 година во Загреб. Имаше само 16 години.
Неговата смрт беше една од најголемите трагедии во животот на познатиот пејач, кој низ годините во повеќе наврати јавно зборуваше за тоа колку му недостига синот.
Точниот датум на последното испраќање на Мате Мишо Ковач засега не е објавен. Во меѓувреме, Сплит и Шибеник најавија организирање комеморации на кои граѓаните ќе имаат можност да се простат од еден од најпознатите хрватски пејачи.
Еди Ковач почина во 1992 година, откако бил ранет под околности кои никогаш целосно не биле разјаснети. Неговата мајка Анита Батурина подоцна зборувала за спротивставените информации што семејството ги добивало во врска со причината за неговата смрт. Таа тврдела дека во документите што првично ги добиле биле наведени поинакви информации од оние до кои дошле подоцна.
Мишо никогаш не се помирил со загубата на синот, а за болката што ја носел зборувал дури и децении по трагедијата.
„За мене нема забранети теми, па така ниту кога станува збор за здравјето и смртта. Смртта го чека секого. И Оливер, и Арсен, и Рајко, и мене. Жал ми е што тие луѓе заминаа. Секако, како татко, најтешко ми е што замина мојот син Еди. Физички ми недостига Еди до болка, но тој секогаш е со мене, секој ден, секој час, во мојата душа“, изјавил тој во една прилика за „Јутарњи лист“.
По смртта на Еди се распаднал и неговиот брак со Анита Батурина. Пејачот со години минувал низ исклучително тежок период, обележан со депресија, додека во исто време неговата ќерка Ивана се борела со зависност од хероин.
Мишо подоцна признал дека поради сопствената психичка состојба не забележувал колку ѝ било тешко на неговата ќерка.
„Четири години бев полумртов, лежев под дејство на седативи или бев на гробишта“, зборувал за периодот по смртта на синот.
Во 1999 година се обидел да си го одземе животот, но лекарите успеале да го спасат. За овој настан подоцна отворено зборувал, поврзувајќи го со долгогодишната тага поради загубата на синот.
И покрај сè, Мишо со текот на времето се врати на музиката и настапите, сепак до крајот на животот истакнуваше дека Еди никогаш не престанал да биде дел од неговото секојдневие.
Од тајна љубов до брак со 32 години помлада: Жените што го одбележаа животот на Мишо Ковач
Легендарниот музичар Мате Мишо Ковач почина на 86-годишна возраст, а со своите песни остави неизбришлива трага кај многу генерации. Со децении редеше успеси, а неговите песни за вистинската, првата и изгубената љубов ги пеат генерации. Додека на сцената беше крал, неговиот приватен живот го одбележаа големи турбуленции, а се женеше дури трипати.Пред да стане голема ѕвезда, додека живеел во Шибеник, бил во врска со својата врсничка Весна, со која се разделил по преселбата во Загреб. За време на л
Сцена | пред 3 часа
