Актерката Ребел Вилсон откри како успеала да ослабе повеќе од 36 килограми, по години борба со нарушувања во исхраната и емоционално прејадување.
Таа во минатото отворено зборуваше за својата борба со храната, а големата промена во начинот на живот ѝ помогнала значително да ја намали телесната тежина. Како што самата објаснила, клучни биле здравата исхрана, редовната физичка активност и целосната промена на животните навики.
Иако денес ја одржува тежината во здрави граници, Вилсон признава дека сè уште се соочува со емоционално прејадување.
„Емоционалното прејадување е нешто од кое веројатно никогаш нема целосно да се ослободам. Морам да научам како да го држам под контрола“, изјавила таа за „TODAY“.
Една од промените во нејзината исхрана била зголемената количина протеини. На нејзиното мени има риба, пилешки гради и протеински напитоци со бобинки и бадемово млеко. Според неа, овој начин на исхрана ѝ помогнал полесно да ја одржува посакуваната тежина, иако признава дека килограмите природно варираат.
Сепак, актерката не се откажала целосно од омилената храна. Таа открила дека обожава тако со говедско месо, а повремено си дозволува и M&M's со кикиритки и сирење манчего.
Нејзиниот пример покажува дека, според неа, клучот е во рамнотежата, а не во целосното откажување од храната во која ужива.
