Сè повеќе патници ја менуваат Грција за оваа дестинација: „Најниски цени во Европа“

Албанија станува сè попопуларна туристичка дестинација и привлекува сè поголем број патници кои наместо традиционалните избори како Грција и Италија се одлучуваат за оваа балканска земја.Благодарение на значително пониските цени, чистото тиркизно море, живописните заливи и помалите гужви во споредба со другите медитерански земји, Албанија во последните години бележи силен раст на туризмот. Многумина ја нарекуваат „европски Малдиви“.Според британски новинар, кој ја посетил Тирана и Драч, земјата нуди комбинација од пристапност и атрактивна туристичка понуда што ја прави сè поинтересна за европските туристи.Главниот град Тирана е меѓу најевтините во Европа според истражувања за трошоците на патување. Цените на сместување, храна и културни содржини се значително пониски од европскиот просек, додека вечера во ресторан со традиционална кујна чини помалку од 30 евра.Албанската ривиера, со места како Ксамил, Химара и Саранда, привлекува туристи со чисто море и природни убавини, а посебна атракција е изворот „Сино Око“, една од најпознатите природни знаменитости во земјата.Покрај тоа, туристите често го истакнуваат гостопримството на локалното население како еден од главните позитивни фактори.Сепак, дел од посетителите укажуваат и на проблеми како урбана изградба и зголемени гужви во летната сезона, но генералниот впечаток останува дека Албанија станува сè посериозна конкуренција на традиционалните медитерански дестинации.