Пејачката Сенида го прекина настапот во популарниот клуб „Diamond“ на островот Крк, Хрватска, откако од публиката била гаѓана со коцки мраз. Инцидентот бил снимен, а нејзината реакција набрзо се проширила на социјалните мрежи.
Сенида во еден момент ја прекинала музиката и побарала од организаторите и обезбедувањето да го пронајдат човекот кој ја гаѓал.
„Ве молам, само ако можете да го средите ова, инаку нема да продолжиме. Само тоа да го кажам“, им се обратила пејачката на присутните од сцената.
Снимката од моментот се прошири на „ТикТок“, а ја објавил и самиот клуб. Според сведоштвата, поединци од публиката извесно време ја гаѓале Сенида со коцки мраз, што ја налутило пејачката.
„Секогаш ќе се најде некој што мисли дека е премногу паметен, па ја гаѓаа со мраз“, раскажал авторот на една од снимките.
Настапот на Сенида бил дел од летната програма на клубот на Крк, во која се најавени и концерти на Јаков Јозиновиќ, Жељко Јоксимовиќ, Јала Брат и Буба Корели, како и Сергеј Ќетковиќ.
Сенида во октомври ја очекува и голем настап во „Арена Загреб“, каде што ќе одржи концерт на 10 октомври.
