Шерон Стоун остро реагираше на римејкот на филмот „Ниски страсти“

Шерон Стоун има јасен став за новата верзија на филмот што ја прослави. Оскаровски номинираната ѕвезда е свесна дека се подготвува римејк на култниот трилер „Ниски страсти“, но дури за време на неодамнешно интервју дознала колку години има сценаристот Џо Естерхас.„Колку години има Џо Естерхас?“, праша Стоун, а потоа на интернет ја побара информацијата. Кога дозна дека има 81 година, низ шега прокоментира:„Се обложувам дека е вистински експерт за тоа што е секси.“Естерхас беше сценарист и на оригиналниот филм од 1992 година, во кој Шерон Стоун ја играше фаталната писателка Кетрин Трамел. Нејзиниот лик станува осомничен за убиство што е изведено на ист начин како злосторствата опишани во нејзините романи, што воедно ѝ служи како совршен алиби.„Оние кои се прашуваат што работи еден осумдесетгодишник пишувајќи еротски трилер, им порачувам дека гласините за мојата филмска импотенција се претерани и дискриминаторски по однос на возраста“, изјави Естерхас.Тој додаде дека својот „внатрешен соработник“ го нарекува „изопачен мал човек“, кој, како што вели, останал засекогаш млад и многу возбуден поради работата на новиот проект.Како што пренесуваат странските медиуми, новата верзија на филмот наводно ќе биде замислена како „анти-уок“ преработка. Естерхас, според достапните информации, со студиото Amazon MGM Studios постигнал договор вреден два милиони долари за сценарио.„Ниски страсти“ ја лансираа Шерон Стоун меѓу најголемите холивудски ѕвезди, додека дополнително го зацврстија статусот на Мајкл Даглас како еден од водечките актери на еротските трилери од тој период.По големиот успех на филмот, Стоун оствари забележителна улога во филмот „Казино“ на режисерот Мартин Скорсезе, каде глумеше покрај Роберт де Ниро.