Скопјанка со годишен бруто приход од 17, 1 милион евра е најбогатата Македонка. Таа во 2018 година пријавила во УЈП годишен бруто приход од 1.056.992.055 денари или 17,1 милион евра, соопшти денес директорката на Управата за јавни приходи, Сања Лукаревска.
Втор на листата по остварен бруто приход е исто така жител на Скопје кој пријавил приход од 453.517.731 денари или 7,3 милиони евра.
Меѓу првите десет во листата со највисоки приходи има и граѓани од Гевгелија, Струмица и Тетово.
Највисоката годишно бруто плата во 2018-та година е исплатена во секторот здравство и изнесува 183.806.532 денари.
