Sony неодамна ги праша своите корисници колку се задоволни од различни аспекти на PlayStation 5, но анкетата не остана достапна ниту 24 часа.
Компанијата објави анкета во која корисниците можеле да го оценат своето задоволство од конзолата PS5, контролерот, игрите, корисничкиот интерфејс, мрежното играње и други услуги.
Сепак, анкетата набрзо се претворила во место каде што гејмерите го искажувале незадоволството од најавените промени во однос на физичките изданија на игрите. Според информациите, анкетата била затворена за помалку од 24 часа. Засега не е познато дали станува збор за привремено или трајно затворање.
Незадоволството меѓу дел од корисниците е поврзано и со најавата дека Sony планира од 2028 година да престане со издавање одредени PlayStation игри на дискови.
Се шпекулира и дека Sony испратил слична анкета до партнери од индустријата за видеоигри, односно до самите производители на игри, за да ги испита нивните ставови за ова прашање.
Засега не е познато дали одговорите од корисниците и партнерите би можеле да влијаат врз плановите на компанијата. Останува да се види дали Sony ќе ја преиспита или одложи одлуката за физичките изданија на игрите.
