Српскиот кошаркар Никола Јокиќ повторно е прогласен за најкорисен играч на сезоната (МВП) во НБА лигата!
Јокиќ ја освои оваа ласкава награда по трет пат во последните четири години.
Србинот е само деветтиот играч со три или повеќе МВП награди, а се приклучи на елитен клуб во кој се и Карим Абдул Џабар (6), Мајкл Џордан (5), Бил Расел (5), Вилт Чембрлен (4), Леброн. Џејмс (4), Мозес Мелоун (3), Лери Бирд (3) и Меџик Џонсон (3).
Јокиќ во регуларниот дел од тековната сезона имаше просек од 26,4 поени со 12,4 скока и 9 асистенции по натпревар со 58,3% шут од поле и 35,9% за тројки.
Ова е осма НБА сезона за момчето од Сомбор, а претходната ја освои титулата, прва во историјата на Денвер Нагетс.
Во својата досегашна НБА кариера, Јокиќ три пати беше прогласуван за МВП играч, шест пати беше Ол-стар, пет пати во Ол-НБА, шампион во НБА и МВП на финалето.
Србинот ја освои наградата за МВП со убедлива победа во гласањето.
Тој имаше дури 79 гласа за прво место, наспроти 15 за Сеј Гилдужс-Александер и четири за Лука Дончиќ. Со вкупно 926 поени, наспроти 640 за првата ѕвезда на Оклахома и 566 за словенечкиот претставник.
https://twitter.com/NBAPR/status/1788352109424869457?ref_src=twsrc%5Etfw%7Ctwcamp%5Etweetembed%7Ctwterm%5E1788352109424869457%7Ctwgr%5E1034dd494f41748ff07fd3e2a952439c84e1c160%7Ctwcon%5Es1_&ref_url=https%3A%2F%2Fwww.b92.net%2Fsport%2Fkosarka%2Fnba%2F17964%2Fsrbin-vlada-nba-ligom-jokic-opet-mvp%2Fvest
