На популарниот српски јутјубер Богдан Илиќ, попознат како Бака Прасе, утрово му изгоре скапиот автомобил „Брабус“ во белградската луксузна населба Белград на вода, каде што живее.Полицијата веднаш интервенирала и извршила информативен разговор со него во неговиот стан.На социјалните мрежи почна да се шири видео на кое еден тинејџер, потпишан како DekiBmw, се снима пред Барбусот само еден ден пред да биде запален автомобилот. Во видеото тој му се заканува на Бaka Прасе: „Бако, врати ги парите што ги должиш, или колата ти оди на лицитација“.Под видеото се појавија коментари од следбеници, прашувајќи како момчето ќе го објасни ова пред полицијата и дали тој го запалил автомобилот.Бaka Прасе тврди дека причината за палењето на автомобилот е рекетирање. Тој сними дел од случката од прозорецот на својот стан и откри дека автомобилот му бил запален бидејќи одбил да плати рекет.
