Цеца Ражнатовиќ вчера го бодреше својот син Вељко од првите редови на неговиот боксерски меч, на кој тој оствари победа против Росмен Брит од Венецуела. Посебно внимание привлече тоа што пејачката во арената пристигна со својот татко, Слободан, кој ретко се појавува во јавноста.
Вељко настапи пред домашната публика по неколкумесечни тренинзи во Русија. Покрај Цеца, од првите редови го бодреа и неговата сопруга Богдана и дедо му Слободан.
Цеца и нејзиниот татко во арената пристигнаа со џип, а при влегувањето во салата пејачката го држеше Слободан под рака. Неговото појавување во јавноста со ќерката привлече големо внимание.
Пред мечот Цеца изјавила дека немала трема и дека верува во својот син, кој напорно тренирал за натпреварот.
Внимание привлече и нејзината модна комбинација. Според објавите на профилот „StyleByCeca“, целиот изглед на пејачката бил проценет на околу 18.000 евра, додека чантата „Хермес“ што ја носела чинела околу 15.000 евра.
