Античкиот театар во Охрид синоќа беше полн за концертот на „Црвена јабука“, а вечерта доби речиси филмска симболика – непосредно пред почетокот заврна дожд, а потоа пред преполната публика одекна „Бјежи кишо с прозора“.
Еден од најпознатите регионални бендови собра публика од повеќе генерации. На едно место беа оние кои своите први љубови, младоста и некои од најсилните спомени ги врзуваат со песните на „Црвена јабука“, но и млади кои ја сакаат нивната музика која спојува генерации.
„Дожд пред концертот. Преполн Антички после него. А потоа, ‘Црвена јабука’ и Охрид што покажаа дека за некои песни едноставно нема лошо време. Оваа вечер си имаше своја приказна“, порачаа организаторите.
Концертот го организираше „Балкан медиа“.
