Снимка од инцидент на улица предизвика бројни реакции на социјалните мрежи, откако жена која шетала со своето бебе и домашното куче се нашла во неочекувана и опасна ситуација.
На видеото се гледа како во еден момент друго куче им се приближува и започнува пресметка со нејзиното куче. Жената се обидува да го заштити својот миленик, но во метежот и борбата, количката со бебето се превртува и завршува на земја.
Снимката веднаш предизвика поделени реакции. Дел од корисниците ја критикуваат реакцијата на мајката и сметаат дека нејзиниот приоритет требало да биде бебето, додека други посочуваат дека целиот настан се одвивал за само неколку секунди и дека ситуацијата била тешко предвидлива.
Инцидентот повторно ја отвори дискусијата за тоа како треба да се реагира во ненадејни ситуации кога домашно милениче ќе биде нападнато, додека во близина има мало дете.
