(Видео) Еве што му требаше на Новак во Монте Карло: Ѓоковиќ и Зверев тренираа заедно – тоа ветува добро

Новак Ѓоковиќ одработи уште еден квалитетен тренинг во Монте Карло, а овојпат негов спаринг партнер беше Александар Зверев.

Српскиот тенисер веќе неколку дена е во Монте Карло каде се подготвува за настап на првиот Мастерс на земјена подлога сезонава.

Ѓоковиќ делува како физички да е подготвен за нови предизвици, на тренингот со Германецот не носеше нишан на раката и неколку удари беа доволни за да се види дека е во добра форма.

Новак нема играно од Индијан Велс, каде што беше елиминиран во третото коло од Лука Нарди. После тоа реши да го пропушти Мастерсот во Мајами, а сега е максимално фокусиран на земјена подлога.

Зверев нормално е одличен на земјена подлога, па Новак мудро избра да тренира со него.

Ѓоковиќ и Зверев отсекогаш имале добри односи, што уште еднаш го потврди и нивниот поздрав.

Со Новак во Монте Карло е и Ненад Зимоњиќ, кој се уште официјално не му станал тренер, но секако дека е голема помош во овие моменти.

Во претходните години Србинот не блескаше во Кнежеството, бидејќи беше елиминиран во третото, второто и третото коло во периодот од 2021-2023 година.

Мастерсот ќе започне оваа недела (7-13 април), а Србинот ќе биде слободен во првото коло како прв носител.

Новак и Зверев можат да се сретнат само во финалето.

Вака изгледа патувањето на Новак во Монте Карло: