Никола Роквиќ приреди емотивен момент на концертот во Охрид, кога пред публиката најави дека ќе отпее песна од Тоше Проески, а потоа заедно со присутните ја изведе „Тајно моја“.
Пред да започне песната, Роквиќ зборуваше со голема почит за Тоше и порача дека неговата музика и денес живее низ целиот Балкан.
„Ќе се ‘дрзнам’ да отпеам негова песна. Многу ми е жал што не е тука со нас, го сакаше цел Балкан, а да беше жив ќе го сакаше целиот свет“, рече Роквиќ од сцената.
Потоа започна „Тајно моја“, а во изведбата му се приклучи и публиката, создавајќи еден од најемотивните моменти на концертот.
Со изведбата на една од најпознатите песни на Тоше Проески, Роквиќ му оддаде почит на македонскиот пејач чија музика и по неговата смрт останува силно присутна кај публиката во Македонија и регионот.
