Жерар Депардје премина во православни, направи крштевка во Париз

Францускиот актер Жерар Депардје, во петокот, на 4 септември, премина во православната вера и направи крштевка во руската црква Александар Невски во Париз.

Кршевката била во присуство на мал круг луѓе. Како и што е својствено за актерот, тој и дал на церемонијата свој печат.

Како што пренесуваат француските медиуми, хорот цело време пеел, а присутните се молеле додека го прскале Депардје со света вода. Крштевката била прославена со прегратки и извици на среќа.

Депардје своевремено изјави дека и понатаму безусловно ја сака својата земја, но не може да порекне дека во Франција се е лошо и дека луѓето таму се помалку среќни отколку во Русија. Тој велеше и дека е подготвен да умре за Русија.