Кралицата Елизабета Втора се појави во прв фотографиран ангажман, само 10 дена по погребот на својот сопруг, војводата од Единбург, кој почина на 99-годишна возраст на почетокот на овој месец.
Монархињата се појави навидум расположена додека преземаше должности преку видеоврска од замокот Виндзор, каде што им посакуваше добредојде на достоинствениците во Бакингемската палата.
Немаше знаци на жалост, барем според облеката што ја носеше, кога нејзиното височество се појави во пролетен син цветен фустан, ѓердан со три нивоа бисери и брош од дијаманти, одржувајќи виртуелна средба со нејзината екселенција Ивита Бурмистре, амбасадорка на Летонија, и потоа со нејзината екселенција Сара Афуу Амани, амбасадорка на Брегот на Слоновата Коска. Двете беа примени преку видеоповик од Бакингемската палата.
Официјалната двонеделна кралска жалост за принцот Филип заврши за сите во петокот, 23 април, дозволувајќи им на работните Виндзорови да ги продолжат своите должности, нешто што кралицата го почна многу пред овој датум.
