Познатата американска актерка Џенифер Анистон (52), препознатлива по улогата на Рејчел Грин во популарната американска комедија „Пријатели“, ги воодушеви своите долгогодишни пријатели и колеги со веста дека ќе стане мајка.
Многуројни светски медиуми пишуваат дека Џенифер, по два развода, решила да посвои девојче што го запознала во сиропиталиште во Мексико, а самиот процес на посвојување трае веќе една година.
Инаку, Џенифер Анистон го финансира ова сиропиталиште веќе една година. Финализирањето на усвојувањето се очекува во јуни годинава.
„Судот знае дека актерката не сака од ова да направи голем настан во медиумите и сака тоа да биде нејзина лична и интимна одлука, но таа ја сподели убавата вест со своите колеги и пријатели“, заклучува извор пренесен од сите светски медиуми.
Веста им беше соопштена на колегите и пријателите од серијата „Пријатели“ на снимањето на продолжението на оваа популарна серија, која почна овој месец на радост на милиони обожаватели во светот.
