Интерпол предупредува на опасноста од лажни вакцини

Интерпол предупредува дека меѓународната мрежа на организиран криминал може да се насочи кон новите вакцини против Ковид-19. Како што е наведено, може да има обиди да се пласираат лажни, фалсификувани вакцини на пазарот.

Интерпол исто така објави дека е издадено глобално предупредување во 194 земји членки на оваа организација, со препорака да се подготват за таквата можност и оперативно, на терен и на виртуелната мрежа, објави „Ројтерс“.

Предупредувањето се однесува и на можните обиди преку глобалната интернет-мрежа да се најдат лажни терапии кои би можеле да го загрозат здравјето и животот на луѓето.