Куче-робот, произведено од компанијата „Бостон дајнамикс“, ги потсетува жителите на Сингапур на задолжителното физичко дистанцирање. Тестирањето на роботот ќе трае две седмици.
– Да го одржиме Сингапур здрав! Поради ваша безбедност и безбедноста на оние во вашето опкружување, ве молиме бидете на меѓусебно растојание од најмалку еден метар, со женски глас, на англиски јазик предупредува ова жолто-црно куче-робот. Освен тоа, роботот е во можност со помош на камери и аналитички алатки да го проценува бројот на посетители во паркот, каде што беше тестиран денеска, да ги предупредува посетителите да не се задржуваат кај акумулациското езеро и дека собири не се дозволени.
