Можно ли Меган Маркл да добие улога во популарната серија „Господа“? Од Нетфликс засега не го исклучуваат тоа.
Манда Левин, директорка за играни серии на Нетфликс во Велика Британија, на телевизискиот фестивал во Единбург била прашана за можниот ангажман на Маркл во серијата. Нејзиниот одговор бил краток: „Сите опции се отворени“.
Изјавата дополнително ги поттикна шпекулациите за можно враќање на Маркл кон глумата, особено откако таа и нејзиниот сопруг, принцот Хари, се вратија во Велика Британија по шест години поминати во САД.
Серијата „Господа“ е изведена од истоимениот филм на Гај Ричи од 2019 година. Во серијата главните улоги ги толкуваат Тео Џејмс и Каја Скоделарио, а премиерата на втората сезона е најавена за 3 септември.
Во јавноста веќе се појавија наводи дека Маркл би можела да биде дел од третата сезона, иако таков ангажман досега не е потврден.
Маркл нема имала поголема глумечка улога од 2017 година, кога по свршувачката со принцот Хари се повлече од глумата. Најпозната е по улогата на Рејчел Зејн во серијата „Suits“, во која настапуваше седум сезони.
Неодамна таа се појави во епизодна улога, играјќи ја самата себе, во комедијата „Close Personal Friends“ на продукциската куќа Amazon MGM.
Пред изјавата на директорката на Нетфликс, поранешната уредничка на „Vanity Fair“, Тина Браун, објави дека можниот ангажман на Маркл во „Господа“ бил откажан поради негативни реакции во Велика Британија.
