Connect with us

#ОХРИД

Охридското Езеро прогласено за водено живеалиште од меѓународно значење

Градоначалниците на општините Охрид, Струга и Дебрца, Константин Георгиески, Рамиз Мерко и Зоран Ногачески заедно со Министерот за животна средина и просторно планирање, Насер Нуредини и директорот на регионалната канцеларија на Меѓународната Унија за Источна Европа и Централна Азија, Борис Ерг денеска на плажата Дебрца потпишаа Изјава за поддршка на Студијата за валоризација на Охридското Езеро со што се обврзаа за дирекtно учество во заштитата на биолошката разновидност во Охридското Езеро.

На настанот, беше извршено и примопредавањето на Сертификатот од Рамсар на градоначалниците од трите општини во кој е наведено дека Охридското Езеро се смета за водно живеалиште од меѓународно значење според Рамсарската Конвенција.
Пригодни обраќања имаа учесниците на настанот, на кој градоначалникот Константин Георгиески истакна:

– Дозволете да го изразам моето задоволство за организација на овој настан со кој се заокружува и дефинира Изјавата за поддршка на Студијата за валоризација на Охридското Езеро. Секако од особена важност е и примопредавањето на документите за Рамсар локација која е темел врз кој нашето Охридско Езеро се впишува на мапата на водени живеалишта од Светско значење.

Зачувувањето на биолошката разновидност преку креирање и ефективно управување со заштитените подрачја и интеграција на биодиверзитетот во голема мера е одредено од нашите стратешки определби и мерки за нивна заштита.

Охридското Езеро е едно од трите најстари природни езера во Светот . Не случајно светската стручна јавност, посебно Охридското Езеро како природна реткост и посебно Охрид, како културно богатство, предложила да бидат под заштита на УНЕСКО. Тоа е голема привилегија, но и голема одговорност за нивна заштита.

Имајќи ја таквата одговорност во Охрид пред повеќе од 30 години се изгради колекторскиот систем за одведување на отпадните води и може слободно да речеме почна процесот за целосна заштита на Охридското Езеро. Тој процес на заштита постојано се надополнува и надградува, а оптимални резултати ќе се добијат само со максимално вложување од македонска но и албанска страна на езерото.

Потпишувањето на Изјавата за поддршка на Студијата за валоризација на Охридското Езеро ќе обезбеди висок степен на заштита на исклучителната универзална вредност на регионот. Документите на кои денес ставаме потпис се основа за донесување развојни одлуки од сите засегнати страни со што се обезбедува рамнотежа меѓу заштитата на доброто и неговото искористување-рече градоначалникот Георгиески.

Студијата за валоризација на Охридското Езеро е изработена во рамки на проектот „Зачувување на биолошката разновидност преку креирање ефективно управување со заштитените подрачја и интеграција на биодиверзитетот во планирањето на употребата на земјиштето“. Проектот е финансиран од Глобалниот фонд за животна средина ( GEF) и имплементиран од Регионалната канцеларија на Обединетите нации за животна средина (UNEP) во Виена. Главен партнер и корисник е Министерството за животна средина и просторно планирање на Северна Македонија (МЖСПП). Регионалната канцеларија на Меѓународната Унија за зачувување на природата на Источна Европа и Централна Азија ( IUCN ECARO) беше исто така ангажирана со цел да го координира процесот на подготовка на клучните документи во однос на две заштитени подрачја во Северна Македонија, од кои едниот е нацрт Студијата за валоризација на Охридското Езеро, како поддршка на иницијативата за негово повторно прогласување.

#ОХРИД

Кои се можните изгледи на охридските плажи

Врз oснова на Јавниот Повик за прибирање на идејни решенија за уредување на плажите на Охридското Езеро кој беше објавен на 30.08.2021 година, до Општина Охрид пристигнаа две идејни решенија согласно условите на повикот.

Право на учество на повикот имаа сите физички и правни лица, регистрирани за вршење на дејност поврзана со предметот на повикот. Целта на повикот беше вклучување на стручната јавност и граѓаните во процесот на утврдување на активностите и дејствијата за уредување на плажите на крајбрежјето согласно препораките и насоките од Планот за управување со светското природно и културно наследство, препораките на УНЕСКО како и постојните законски прописи. Конкурсот беше анонимен и секој учесник имаше право да учествува со еден труд.

Пристигнатите решенија ќе бидат предмет на евалуација на стручната комисија и достапни на увид на граѓаните. Граѓаните своите сугестии, забелешки и предлози во правец на избор на најсоодветно решение може да ги достават на следната електронска адреса [email protected] со назнака „Идејно решение за плажи“.

Во прилог се фотографии од идејното решение број 1 и фотографии од идејното решение број 2

 

  • Идејно решение број 1

Continue Reading

#ОХРИД

Висока делегација од Обединетото Кралство во посета на ООУ „Христо Узунов“

Во учебната 2019/2020 година  ООУ „Христо Узунов“ од Охрид  се вклучи во Програмата „Училишта на 21 век“, која е финансирана од Владата на Обединетото Кралство, а спроведена од Британскиот совет во партнерство со Министерството за образование и наука.Целта на програмата е развивање на вештини на 21от век, со посебен акцент на дигитална писменост, критичко размислување и решавање проблеми и користење на уредот микро:бит за развивање вештини за програмирање. Конкретно во училиштето се спроведуваат многу активности поврзани со оваа програма, во која се вклучени голем број ученици, при што носечката улога ја има Клубот за кодирање.

Во текот на денешниот ден, ООУ „Христо Узунов“ имаше чест да биде посетено  од Министерката за Европа и Америка на Обединетото Кралство Венди Мортон и Амбасадорката на Обединетото Кралство Рејчел Галовеј. Тие беа запознаени со текот на имплементирањето на оваа програма во училиштето.  Директорката Оливија Пирузева Јанева на средбата со високата делегација даде кратки податоци за училиштето и за програмата.  Потоа гостите присуствуваа на часот, каде учениците под раководство на професорките Горица Дуцкиновиќ и Марија Мостро,  презентираа конкретен проект изработен од членовите на Клубот за кодирање.

Преку овој проект се истакнува  критичкото размислување како и вештините за програмирање. Проектот има за  цел подигнување на свеста за селекција на отпад и негово рециклирање, што е многу важно за заштита и на животната средина и негување на ваквите навики. Проектот се состои во селектирање на отпадот, на пластичен и лимен отпад. Во сето тоа главна улога има уредот микро:бит, како инструмент за одбројување на парчињата отпад.

Учениците за овој проект беа поттикнати  од несовесноста на луѓето при фрлање на отпад во околината. Целта е зголемување на свеста за заштита на природната околина, која колку повеќе ја негуваш, таа толку повеќе возвраќа. Тоа учениците го истакнаа пред Министерката и Амбасадорката, задоволни и возбудени од фактот дека својата работа може да ја презентираат пред нив и истите да бидат вреднувани со пофалби од нив.

Continue Reading

#ОХРИД

Градоначалникот на Охрид, Константин Георгиевски , упати честитка  по повод 11 Октомври – Денот на народното востание.

– Нека ни е честит 11 Октомври, Денот на народното востание. На овој ден во далечната 1941година во Прилеп започна востанието против фашистичката окупација и беше најавена организираната народно – ослободителна борба.

Преку оваа борба нашиот народ го докажа својот државотворен капацитет и право на изградба на слободна, самостојна и суверена држава. Токму со 11 Октомври и НОБ застанавме на страната на антифашистичката коалиција, на страната на доброто наспроти злото, правдата наспроти неправдата.

11 Октомври и првото заседание на АСНОМ им дадоа целосна смисла на сите револуционерни движења претходно. Борците во НОБ ги достигнаа стремежите на сите претходни генерации да се добијат долго очекуваната победа и слобода.

Секоја генерација има своја одговорност. Така и нашата, да ја сочува слободата, суверенитетот и независноста на нашата земја која со пролеана крв и многу жртви ја спечалиле нашите предци. Одговорноста е голема, она што сме го добиле како влог треба да го предадеме на идните генерации, на нашите деца. Никогаш да не дозволиме да ни бидат одземени мирот и слободата. Наша задача е да обезбедиме економски стабилна и просперитетна држава, која ќе биде рамноправна членка со останатите држави во европското семејство. Единствени и сплотени да продолжиме да ја градиме нашата татковина како современа, демократска и правна држава во која секој граѓанин ќе има еднакви можности да креира пристоен и примерен живот за себе и за своето семејство.

Нека ни е честит и вековит 11 Октомври – денот на Народното Востание!

Continue Reading
Advertisement

Инста

Facebook

Facebook

Трендинг

Copyright © Mediaset.mk / 2020

error: