Познатиот актер Мустафа Надаревиќ почина на 77-годишна возраст по долгата борба со карциномот на белите дробови. Тој неодамна бил пуштен од болница и воопшто не го напуштал домот во Загреб поради епидемиолошката ситуација.
Надаревиќ е роден во Бања Лука во 1943 година и иако работеше низ многу градови низ поранешна Југославија, најголемиот дел од животот го помина во Загреб.
Театарската кариера ја почна во Загрепскиот младински театар, а од 1969 година беше дел од драмата на Хрватскиот народен театар (ХНК) .
Филмската кариера ја почна дури во осумдесеттите години. Во филмот „Татко на службен пат’ на Емир Костурица од 1985 година се истакна со ликот на Зијах.
Пошироката публика ја воодушеви со ликот на Изет Фазлиновиќ во ТВ серијата „ Луд, збунет, нормален“ која се снимаше од 2007 до 2016 година.
