Медиасет.мк

#ТРЕНД

Почина еден од најбогатите Италијанци, „таткото“ на очилата „рејбан“


Леонардо дел Векио, претседател на компанијата за очила EssilorLuxottica (бренд Ray-Ban) и еден од најбогатите Италијанци, почина на 87-годишна возраст.

„EssilorLuxottica денеска со жалење објавува дека нејзиниот претседател почина“, се вели во соопштението објавено во понеделникот, додавајќи дека одборот ќе се состане за да ги „одреди следните чекори“.

Дел Векио пораснал во сиропиталиште, а подоцна заработил богатство од неколку десетици милијарди евра во една од најпознатите успешни приказни во повоеното закрепнување на Италија, пишува Biznisinfo.ba.

„Леонардо дел Векио беше одличен Италијанец. Неговата приказна, од сиропиталиште до деловна империја, изгледа како приказна од друго време. Но, тоа е пример за денес и утре. RIP“, порача на Твитер европскиот комесар за економија Паоло Џентилони.

Италијанскиот претприемач ја основа Luxottica во 1961 година и изгради компанија која го поседува брендот Ray-Ban и која ги здружи силите со францускиот Essilor во големото спојување во 2018 година, потсетува порталот.

Тој остана извршен директор на EssilorLuxottice до декември 2020 година, кога го препушти секојдневното управување со компанијата на извршниот директор Франческо Миљери.

Тој лично го поддржа Милер како шеф на француско-италијанскиот гигант за очила кога беше создадена споената група.

Влијанието на Дел Векио се прошири надвор од неговиот бизнис и на крајот на 2021 година, тој беше вториот најбогат човек во Италија по Џовани Ферер од продукциската групација Нутела.

Неговата холдинг компанија „Делфин“ е најголемиот акционер на италијанската групација за финансиски услуги „Медиобанка“ и има удел од нешто помалку од 10 отсто во најголемата италијанска осигурителна компанија „Генерали“. Тој, исто така, поседува околу 7 отсто од компанијата за недвижнини Covivio.

Трендинг

На почеток
error: