Која е тајната за ум исполнет со среќни мисли?

Прво, треба да знаеме дека голем дел од нашата среќа зависи од нашите гени, но постојат и многу други работи кои можеме да ги направиме за да бидеме среќни. Многу од таквите техники постојано биле тестирани и придонесувале за успех, дури и кај лица со клиничка депресија.

Благодарност, благодарност, благодарност

Ова е голема работа. Покажувањето благодарност за нештата кои ги имате во вашиот живот е една од најдобрите работи кои можете да ги направите за себе.

Тоа ќе ве направи посреќни.

Ќе ги подобри односите со другите луѓе.

Ќе ви помогне да бидете подобра личност.

Ќе го направи животот подобар за сите околу вас.

Оние кои добиваат бронзен медал се посреќни од тие кои освоиле сребрен медал. Зошто? Тие се благодарни што воопшто освоиле медал. Затоа, секоја вечер потрудете се да одите на спиење со добрите  мисли за нештата кои ви се случиле во текот на денот.

Правете го почесто тоа во што сте добри

Овие нешта придонесуваат за куп добри мисли. Практикувањето на работите во кои сте добри е одличен начин за да се чувствувате подобро. Помислете на најдобрата верзија којашто можете да бидете и постојано потсетувајте се на нештата кои ве прават среќни.

Поминувајте повеќе време со луѓето кои ви се допаѓаат

Минувајте повеќе време со оние луѓе кои ви се допаѓаат, ве инспирираат или ви носат добра енергија. Најсреќните луѓе се оние кои имаат силни врски со другите луѓе. Најчестото каење кое го имаме кога ќе остареме е тоа што не минуваме премногу време со таквите луѓе. Споделувајте ги своите приказни со нив, слушајте ги и учете. Едноставно земете го од нив оној дел кој највеќе ги одговара и кои ви носи позитивни и убави мисли.

Давајте

Давањето не прави посреќни од земањето. Всушност, тоа креира убав круг на среќа во нашиот живот. Волонтирањето и помагањето на другите луѓе е одлично за да се чувствуваме помалку себично, а посреќно. Добрите нешта кои ги правиме за другите луѓе во текот на еден ден помагаат да се чувствуваме добро во текот на целата недела.

Бидете оптимисти

Оптимизмот е одличен. Да, песимизмот не ни дозволува да треснеме толку силно од лошите вести како оптимизмот, но оптимизмот пак ни носи одлична благосостојба и убави мисли. Луѓето кои се оптимисти се позадоволни, повеќе постигнуваат во љубовта и се соочуваат со помалку проблеми.  Самодовербата ја зголемува продуктивноста и ја подобрува тимската работа.

Избегнувајте го каењето

Најчестите каења кои луѓето го имаат кога се постари се следните:

1. Посакувам да имав повеќе храброст да живеам живот каков што посакувам, а не каков што другите посакуваат.

2. Посакувам да не работев толку напорно.

3. Посакувам да останев во контакт со своите пријатели.

4. Посакувам да трошев повеќе пари на задоволство и патувања.

Затоа, не дозволувајте да се каете. Или донесете одлука дека ќе направите нешто или престанете со очајувањето и каењето.

На крајот на денот, постојат многу убави нешта со кои можете да го подобрите својот живот. Само треба да ги откриете.