Sonic the Hedgehog („Ежот Соник“) ги претрка Birds of Prey and the Fantabulous Emancipation of One Harley Quinn („Птици грабливци и фанатастичното ослободување на една Харли Квин“, со што го презема водството на светската ранг-листа за киноблагајни, според најновите податоци на „Комскор“ (Comscore).
„Ежот Соник“ е филмувана верзија на познат цртан лик – хибрид со анимирани ликови и реални актери.
Според бројките објавени од страна на „Комскор“ во неделата, 16 февруари, филмот заработил 100 милиони долари во светот вклучувајќи и 57 милиони долари во Северна Америка. Ова е најдоброто премиерно прикажување на сите времиња на филм инспириран од видеоигра.
„Парамаунт“ ужива во неочекуваниот успех. Иако првичните реакции на публиката не беа позитивни и повеќето го критикуваа дизајнот на синиот лик по појавувањето на првиот трејлер, сепак одличниот почеток покажа дека промените направени од екипата на филмот се исплатеа.
