Connect with us

#ТРЕНД

Том Хенкс не сака во Вселената за 28 милиони долари

Том Хенкс, како гостин во емисијата на Џими Кимел, откри дека Џеф Безос му понудил лет во Вселената, но тој одбил поради цената. Водителот, всушност, го праша глумецот – дали навистина милијардерот му се обратил за летот пред понудата кон Вилијам Шетнер?

– Па, да, под услов да платам. И, знаеш, ќе чинеше 28 милиони долари или така нешто. Добро ми оди, Џими, добро ми е. Но, нема да платам 28 милиони долари!, нагласи глумецот.

– Знаеш, и сега, веднаш би можеле да го симулираме искуството со Вселената. Тоа е лет кој трае околу 12 минути!? Па, тоа би можеле да го направиме и во нашиве фотелји овде. Меѓутоа, за тоа да потрошам 28 милиони долари!? Можам да го направам тоа и дома, рече Хенкс пред комично да го симулира искуството со летање.

Прашан – дали би размислил да се качи на вселенски лет доколку е бесплатен, Хенкс одговори:

– Можеби би го направил тоа за да уживам… Преправајќи се дека сум милијардер.

Иако ја одбил поканата на Безос, гласините говорат дека Хенкс е меѓу познатите личности кои резервирале билет до 250.000 долари за комерцијален вселенски лет на турситичката компанија „Вирџин галактик“ на Британецот Ричард Бренсон.

#ТРЕНД

Почина веројатно последната личност родена во 19. век

Франсиска Сузано, позната и по прекарот Лола, за која се верува дека беше најстарата личност на светот и последниот жив човек роден во 19 век, почина завчера во нејзиниот дом во Кабанкалан, на Филипините.

Според Гинисовата книга на рекорди, Лола се најде на долгиот список кандидати за највозрасни луѓе на светот, откако во 1997 година на 122-годишна возраст почина Французинката Жан Кaлмен, пишува „Дејли мејл“. Причината за смртта на Сузано сѐ уште не е потврдена, но се знае дека таа немала симптоми на Ковид-19. Оваа жена, која минатиот месец го прослави 124. роденден, е родена на 11 септември 1897 година, кога нејзината земја сè уште беше под власта на Шпанија, а ѝ била речиси современичка и на славната британска кралица Викторија.

Политичарот Родолфо Орденс поднесе петиција по нејзиниот последен роденден, повикувајќи го Претставничкиот дом, како признание за нејзиното „монументално достигнување“, да ѝ додели 15.000 фунти.

Во денешното соопштение на Градот Кабанкалан се вели: „Со тага во нашите срца, соопштуваме дека нашата сакана Лола Франциско Сузано почина во понеделник, на 22 ноември, во раните вечерни часови“.

Лола важи за најстарата личност на Филипините, а Гинисовата книга на рекорди веќе проверува дали таа навистина била и најстарата личност на светот.

Continue Reading

#ТРЕНД

Научен запис на Алберт Ајнштајн продаден за над 11 милиони евра

Ракопис на познатиот физичар Алберт Ајнштајн, во којшто тој ја подготвувал својата Теорија на релативноста, е продаден на аукција за рекордни 11,6 милиони евра, во Париз.

Претходните рекорди за ракопис на Ајнштајн беа 2,4 милиони евра, исплатени по наддавањето во 2018 година за еден напис за Бог и – 1,39 милиони евра во 2017., во Ерусалим, за писанието за тајната на среќата. Штотуку продадениот документ се проценуваше на два – три милиони евра. За разлика од двата претходни рекордни ракописи, овој запис е научно дело.

Станува збор за ракопис на 54 страници напишан 1913 – 14 година во Цирих, Швајцарија, од Ајнштајн и неговиот соработник Микеле Бесо.

Аукциската куќа „Кристи“, каде што се одржа лицитацијата, пред продажбата соопшти дека ваквите документи се многу ретки за тој период и воопшто за периодот пред 1919 година.

Continue Reading

#ТРЕНД

Девојка која „се омажи“ за себе, сега се разведува

Манекенката Кристина – Крис Галера, која „се омажи“ за самата себеси, на официјална свеченост во септември оваа година, поднесе барање за развод, затоа што се вљубила во друг.

На својата венчавка Галера објасни дека ѝ е доста од мажи, па може да смета само на себе. Но, моделот од Сао Паоло, Бразил, уверува дека веќе „не е разочарана“ што нема младоженец за неа, туку од тоа што ќе мора да се разведе 90 дена по „свадбата“. За нејзина среќа, девојката запознала „некој посебен“, па почнала и да се вљубува.

– Почнав да верувам во љубов во мигот кога запознав некој посебен, вели Крис.

Инаку, лавина критики ја преплавија Галера на интернет, откако „се омажи“ со самата себе.

Continue Reading
Advertisement

Инста

Facebook

Facebook

Трендинг

Copyright © Mediaset.mk / 2020

error: