Вечерва концерт на „Суперхикс“ во рамки на „Култура во време на корона“

Проектот „Култура во време на корона“ запира со вечерниот настап на познатите „Суперхикс“, а градските културни институции наскоро ќе излезат со адаптирани програми усогласени со идните препораки на Владата. Музичарите од „Суперхикс“ ќе настапат во 20.00 часот на плочникот кај зградите до Педагошкиот факултет во Карпош.

На денешната прес-конференција преставниците на градските културни институции информираа за резултатите од проектот. На досегашните 50+ настани, настапиле повеќе од 200 изведувачи, со повеќе од 500.000 гледачи на социјалните мрежи и илјадници балкони во осум различни општини во Скопје.