На североисточниот брег на Шпанија, меѓу популарните туристички места Санта Сузана и Пинеда де Мар, се наоѓа Малграт де Мар, летувалиште кое од година во година привлекува сè поголем број туристи.Ова место успешно ја спојува опуштената медитеранска атмосфера со содржини што ги задоволуваат и најпребирливите гости.Долгите песочни плажи, уреденото шеталиште и чистото море го прават идеален избор за сите кои сакаат вистински летен одмор. Малграт де Мар нуди рамнотежа помеѓу одмор и забава, поради што е особено популарен меѓу семејствата.Најголем адут на ова летувалиште се пространи песочни плажи кои важат за едни од најубавите на овој дел од брегот. Чистото море и уредените пристапи ги прават погодни за сите генерации, особено за семејства со деца.Дополнителна вредност дава долгото шеталиште кое се протега сè до соседното место Санта Сузана, овозможувајќи пријатни вечерни прошетки покрај морето и уживање во погледот на Медитеранот.Разновидната понуда на ресторани, кафулиња и активности ги задоволува и оние кои бараат мир и оние кои сакаат забава.Иако зрачи со помирна атмосфера, Малграт де Мар нуди богат избор на ресторани и кафулиња со различни вкусови. Посетителите можат да уживаат во локална кујна, но и во меѓународни специјалитети.За љубителите на активен одмор тука се спортови на вода, возење велосипед и прошетки низ природа, додека оние кои преферираат релаксација можат да уживаат во долги денови на плажа и лесни вечерни излегувања.Еден од големите плусови на ова место е неговата поврзаност со поголеми градови и туристички центри. Близината до Барселона овозможува лесни еднодневни излети и дополнително го збогатува престојот.Малграт де Мар е особено погоден за семејства со деца, но и за сите кои сакаат мирен одмор далеку од гужви. Без преголема бучава и хаос, нуди услови за вистинско опуштање.
