(ВИДЕО) Само позитивно мачиња: Стоматолози од Тетово си „искинаа“ во ординација

Стоматолозите од Тетово кои танцуваат во ординациите станаа нов вирален хит на социјалните мрежи. Сите им се воодушевуваат на позитивниот дух, во ова време-невреме, кога секојдневно имаме рестрикции и нови стравови од коронавирусот.

Но, освен позитивната енергија, тие се сочуствуваат со нивните колеги кои се директно на удар од коронавирусот, танцувајќи во скафандери, односно, носејќи целосна заштитна опрема!

„Ова е нашиот психо-физички и енергетски „boost“ и начин да избегаме на момент од опремата која не дава да дишеме, а сега, за жал, е неделив дел од нашето секојдневие. Да избегаме на момент од константната загриженост за благосостојбата на сите наши пациенти, на нашиот тим и сите околу нас. Се бориме против сите негативности со позитивни мисли и став и се надеваме на што поскоро надминување на оваа кризна ситуација која апсолутно допре до здравствената, но и до секоја друга сфера на делување.“ – вели д-р Надица Несторовска Арсеновски, која е дел од ПЗУ д-р Ванчо.

Напишете коментар

Вашата адреса за е-пошта нема да биде објавена. Задолжителните полиња се означени со *