„Пријатели“ беше и остана серија која ја обожаваме. Уживавме со ликовите и нивните авантури, врски и анегдоти.
И покрај тоа што поминаа 15 години од последната епизода, серијата е актуелна и сè уште не ја губи својата популарност.
Можеби сте помислиле дека ги знаевте сите детали од снимањето, но, сепак, неодамна добивме одговор на едно прашање. Конечно е откриено зошто Фиби и Џои никогаш не станаа пар во серијата.
Доколку ги изгледавте сите сезони на „Пријатели“, знаете дека некои пријателства прераснаа во љубов – Рејчел и Рос дури добија ќерка, додека Моника и Чендлер се венчаа.
Од друга страна, преостанатите главни ликови, Фиби и Џои, никогаш не станаа пар, а за ова има и објаснување од ко-авторот Дејвид Крејн.
Голем број обожаватели на серијата се надеваа и очекуваа дека Фиби и Џои ќе го следат примерот на другите парови и дека ќе завршат заедно. Сепак во текот на 10 сезони и 236 епизоди, нивната желба не се исполни.
Дејвид Крејн смета дека таквото сценарио би било премногу предвидливо. Тој додава дека таквиот пристап би бил погрешен и дека е среќен што авторите не го направиле тоа.
