Израелската актерка и модел Гал Гадот потврди дека ќе ја портретира Клеопатра во нов филм и додаде дека не може да биде поблагодарна за оваа улога.
35-годишната актерка веќе играше супер хероина во серијалот за таканаречената „жена чудо“ или Wonder Womаn во 2017 година и во претстојниот Wonder Womаn 1984, а сега таа ќе биде главната протагонистка во приказната за древната египетска владетелка.
„Сакам да започнам нови патувања, ја сакам возбудата од нови проекти, возбудата од оживување на стари приказни. Клеопатра е приказна што сакав да ја раскажам многу долго време. Не можам да бидам поблагодарна за оваа можност“, Гал напиша на Твитер.
