Балканската ѕвезда Цеца Ражнатовиќ откри дека до сега не снимила дует со ќерка ѝ затоа што Анастасија не сака да испеат заедничка песна. Таа во интервју за српските медиуми се пожали дека веќе некое време сака да испее нешто со Анастасија, но таа за сега ја одбива.
„Млада е сè уште на естрадата и потполно е свесна дека е на самиот почеток. Не ја одбивам јас неа, туку таа мене. Имав некоја песна и ѝ реков дека би било супер да снимиме дует, но таа одби. Многу е скромна. Постојано се консултирам и со неа и со Вељко за песните“, рекла Цеца.
На прашањето дали таа ѝ е најголем критичар на Анастасија и како ја советува кога станува збор за музиката, Цеца потврдила дека се грижи за кариерата на ќерка ѝ, која веќе сними неколку песни, а и работи на првиот албум со Дарко Димитров.
„Критична сум, но и објективна. Ако бара мое мислење, очекува дека искрено и ќе ти ѝ кажам. Не сум во филм ‘Прекрасна си, сè ти е феноменално и супер’. Не ѝ правам така никаква услуга. Кажувам кога не ми се допаѓа како отпеала и ѝ велам дека може подобро… И ме слуша затоа што има доверба во мене“, додала Цеца.
