#ЖИВОТ

Астрологија: 30 ноември е најнесреќниот ден во годинава

Астролози велат дека овој турбулентен 30 ноември речиси на никого нема да му донесе пријатни нешта. Доколку владее чувство дека ништо не оди на добро, вината е во влијанието на планетите, пишува „Мондо“.

Емоциите ќе се загреат до крајност – овој 30 ноември е најопасниот ден оваа година и затоа е многу важно да се контролирате за да не правите некои „глупости“ кои, според наводите, скапо ќе Ве чинат во иднина. Ноември се покажа како тежок месец. На крајот на есента секогаш има многу работа, но оваа година и ѕвездите се потрудиле да го отежнат животот на сите. Така, последниов ден од месецот се покажа како најопасен оваа година.

Подгответе се за внатрешни бури. Негативните чувства ќе бидат пренагласени на сите полиња. Сè што порано Ве мачело, а што сте „го заборавиле“ – повторно ќе дојде до израз. Не се исклучени ниту нови судири. Астролошките совети гласат – не размислувајте за минатото, живејте во сегашноста и обидете се да ги контролирате своите емоции. Исто така, деновиве е подобро да се биде внимателен и со туѓинците. Може некој да биде измамен, па затоа треба ушите и очите да се чуваат отворени.

Ова е многу незгоден период, велат астролозите, бидејќи „една искра е доволна за сѐ да избувне во пожар“. Внимавајте на зборовите, за да не бидете погрешно протолкувани. Сè што правите, правете го со дополнителна грижа.

Но, и покрај негативноста овој период и мислите дека ќе се случат лоши работи, според познавачите, ако се размислува „на добро и ширење љубов“, ќе се ублажи сѐ она што овој ден го носи со себе.

Поврзани тагови:

#ЖИВОТ

Рецепт за лиснати полжави со афион

Состојки:

За тестото:

– 600 гр брашно

– 150 гр шеќер

– 10 гр сол

– 1 кесичка сув квасец

– 100 гр путер

– околу 250 мл топло млеко

– 2 јајца

– 2 лажички цимет

За полнење:

– 400 гр мелено семе од афион

– 150 гр шеќер

– 50 гр путер

– 200 мл млеко

– 2 лажици мармалад од кајсии

Подготовка:

Во сад ставете брашно, квасец, шеќер, сол и цимет. Потоа подгответе топло млеко и додадете путер во него. Измешајте ги сувите состојки и додадете го подготвеното млеко и путерот. Додека мешате, додадете ги јајцата, па месете го тестото додека не почнат да се создаваат меурчиња.

Се замесува тесто во топка, се покрива со крпа и се остава на топло место додека не се удвои. Потоа уште еднаш измешајте и оставете да нарасне. Во меѓувреме подгответе го филот.

Прво истурете го млекото во тенџере и додадете го путерот. Неопходно е да се готви на тивок оган.

#ЖИВОТ

Рецепт за најпопуларниот коктел во Германија

Џин Басил Смеш е коктел од џин, босилек и свеж сок од лимон, направен по моделот на популарниот Виски Смеш.

Виски Смеш, од друга страна, за прв пат е направен на крајот на 19 век, и е комбинација од лимон, нане, шеќер и мраз.

Варијација на темата со џин ја измислил пред 15 години Јорг Мајер, сопственик на германскиот бар Бар Ле Лајон во Хамбург, кој рецептот го објавил на својата веб-страница.

Со текот на времето, коктелот стана вистински хит меѓу Германците, а потоа и во остатокот од светот. Покрај џин, босилек и лимон, ќе ви треба и едноставен сируп, незаменлива состојка во бројните коктели.

Лесно можете да го направите така што ќе загреете еднаква количина на вода и шеќер и мешајќи додека не се раствори шеќерот. Потоа тргнете го од оган, изладете и употребете по потреба.

Состојки:

8 до 10 големи листови босилек
75 мл џин
22 мл сок од лимон
22 мл едноставен сируп (мешавина од вода и шеќер)
мраз

Подготовка:

Листовите босилек ставете ги во шејкер за коктели и лесно издробете ги.

Додадете го џинот, сокот од лимон и едноставниот сируп во шејкер за коктели. Додадете два грста мраз и протресете.

Напитокот процедете го во чаша полна со мраз. По желба посипете со малку сода вода. Украсете со дополнителни листови босилек.

#ЖИВОТ

Најголемата крофна во светот тежи 102 килограми

Се сруши уште еден Гинисов рекорд и тоа во полето на гастрономијата. Готвачот Ник ди Џовани и Лин Дејвис создадоа ново чудо, огромна крофна за којашто ја освоија титулата за „Најголемата крофна во светот“. Розовата џиновска крофна тежи 102 килограми и е еднаква на околу 1500 нормални крофни.