Зошто некои луѓе умираат од корона, а некои немаат ни симптоми?

Две неодамнешни студии открија зошто луѓето заразени со корона можат да имаат симптоми кои варираат од благи до непостоечки, па сè до тешка клиничка слика и смрт. Истражувањето спроведено на Универзитетот Рокфелер покажа дека одреден број пациенти имаат мутација на гените, и дека тие се активираат кога телото го напаѓа вирусот за да се одбрани од болеста.

Мутацијата на гените го тера организмот да создава авто-антитела, кои наместо вирусите, го „напаѓаат“ самиот организам и во него прават хаос.

„Нè вџаши истражувањето што покажа дека организмот кај пациентот со мутација на гените реагира така што ги напаѓа сопствените ќелии, а не вирусот. Ова е откритие кое ќе има големо влијание на дијагностиката и лекувањето“, рече Жан-Лоран Казанова, водач на студијата.

„Доколку е некој позитивен на коронавирус, би требало понатамошното лекување да опфаќа и тест на авто-антителата и адекватна реакција на медицинските лица ако се утврди дека тие антитела постојат. Отстранувањето на тие антитела од крвта би можело значајно да го олесни понатамошното лечење и симптомите на болеста“, изјави тој.

Во истражувањето учествувале 987 пациенти, но тоа продолжува и сега се анализираат податоците за повеќе од 3.000 пациенти кои се со тешка клиничка слика.