#ЖИВОТ

Придобивки од киселата зелка

Киселата зелка е незаменлива храна на трпезата… Таа е извор е на многу витамини и одличен прилог за речиси сите „зимски“ јадења.

Хранлива е!

Киселата зелка содржи значајни хранливи материи како што се витамин Ц, К, Б-6, пробиотски влакна, железо, манган, фолна киселина и калиум.

Добар извор на хранливи влакна

Контролирано испитување покажа дека расолот е единствената ферментирана храна за којашто е клинички докажано дека помага при тн. синдром на нервозно дебело црево (ИБС). Пробиотските влакна помагаат во исхраната на добрите бактерии во цревата, пишува интегративниот гастроентеролог Марвин Синг, пренесува Б92. Според базата на податоци за храна на американското Министерство за земјоделство (УСДА), една чаша кисела зелка содржи четири грама влакна, што е еднакво на 15 отсто од дневната препорачана вредност.

Добро за цревата

Бидејќи е ферментирана храна, киселата зелка природно содржи пробиотици и пребиотски влакна. Пробиотиците се делотворни и за запек, дијареа по антибиотици и инфекции, како и ИБС.

Го зајакнува имунолошкиот систем

Имунитетот во голема мера зависи од здравјето на цревата. Овие два система се нераскинливо поврзани, што значи дека секоја храна што поддржува здрави црева, исто така, поддржува здрав имунолошки систем.

Го намалува стресот

Се покажа дека пробиотиците управуваат и со анксиозноста и симптомите на депресија кај луѓето, поради поврзаноста меѓу цревата и мозокот. Здравите црева се здрава основа за функционирање на целото човеково тело.

Поврзани тагови:

#ЖИВОТ

Рецепт за домашен кечап

Состојки:

-2 кг зрели домати
-главица кромид
-2 чешниња лук
-една лажичка сол
-една лажичка бибер
-една лажичка сенф
-една лажичка мелен коријандер
-една лажичка мелен ким
-една лажичка мелена лута пиперка
-лажица шеќер
-чаша оцет

Подготовка:
Измијте ги доматите и исечете ги на помали парчиња. Кромидот и лукот ситно исечкајте ги.

Во големо тенџере, загрејте ги доматите, кромидот и лукот на средна топлина додека не омекнат, околу 20 минути.

Тргнете ја тавата од оган и поминете ги доматите низ сито. Вратете ги доматите во тавата и додадете ги солта, биберот, сенфот, коријандерот, кимот, лутата пиперка, шеќерот и оцетот.

Гответе на средна топлина додека кечапот не се згусне, околу 1 час. Тргнете ја тавата од оган и оставете ја да се излади.

Истурете го кечапот во стерилизирани тегли и чувајте го во фрижидер.

#ЖИВОТ

Рецепт за колач со смокви

Состојки:

бисквит:

– 4 јајца

– 6 лажици масло

– 2 лажици какао

– 2 лажици брашно

– 1 лажичка ванилин шеќер

– 4 лажици шеќер

– прстофат прашок за пециво

– смокви (околу 15 парчиња или околу 300 гр.)

Свежите смокви можете да ги замените со суви, само кратко натопете ги во вода.

Глазура:

– 100 гр темно чоколадо

– 1 лажица путер или 4 лажици масло

Подготовка:

Одделете ги белките од жолчките. Во жолчките додадете масло, какао, ванилин шеќер, брашно, прашок за печиво и измешајте со вилушка.

Изматете ги белките додека не се стегнат, а потоа додадете го шеќерот и матете додека смесата не стане сјајна, мазна и цврста. Во смесата од останатите состојки постепено додавајте ја белката и соединете ги сите состојки.

Намачкајте го плехот за печење и посипете го со брашно. Истурете го бисквитот, наредете ги смоквите и печете во загреана рерна на 170 степени околу 25 минути.

Изладениот колач прелијте го со чоколадна глазура.

Подгответе ја глазурата на вообичаен начин – растопете ја чоколадата на пониска температура.

#ЖИВОТ

Салата од лубеница за појадок, добар сон и пливање: тајната за добриот изглед на Шерон Стоун

Холивудската актерка Шерон Стоун во текот на животот доживеала сериозни здравствени проблеми – мозочен удар на 43-годишна возраст, по што поминала уште две години во опоравување.

Сега се труди и грижи за своето здравје, а тајната на својата манекенска линија ја откри за странските медиуми.

Имено, актерката редовно конзумира храна како леќа и киноа, а токму оваа храна дава бројни здравствени придобивки – се намалува ризикот од дијабетес.

Шерон откри дека никогаш не го прескокнува појадокот:

„Мојот омилен појадок е свежа, сечкана лубеница со фета сирење и нане, маслиново масло, сол и црн пипер. После тоа, обично јадам парче тост без глутен и пијам билен чај“.

Актерката има балансирана исхрана која вклучува големи количини на посно месо, како пилешки или мисиркини гради и посно говедско месо.

Исто така, Шерон има правило за осум часа сон, но и редовно пливање.

„Мислам дека чучњевите се многу важни. Ако ги правите секој ден, тоа ќе влијае на целото тело“, заклучила таа.