Русија ги информираше САД дека ќе протера голем број американски дипломати како одговор на американското протерување на руски персонал од постојаната мисија во ОН во Њујорк, пренесе агенцијата Интерфакс.
Агенцијата, исто така, го цитираше руското Министерство за надворешни работи на Вашингтон дека секоја непријателска акција против Москва ќе доведе до решителен одговор. Минатиот месец Вашингтон објави дека протерал 12 руски дипломати од ОН поради загриженост за националната безбедност, опишувајќи ги како разузнавачки оперативци.
Бројот на луѓе на списокот не е наведен
„Интерфакс“ пишува дека руското министерство на висок американски дипломат во Москва му дало список на луѓе кои мора да заминат, како одговор на американското протерување на дипломати од постојаната мисија во ОН во Њујорк. Интерфакс не соопшти колку луѓе се на тој список или до кога треба да заминат.
„На американската страна многу цврсто и беше кажано дека секоја непријателска акција на САД против Русија ќе доведе до решителен и споредлив одговор“, додава агенцијата. Овој потег беше најавен додека Соединетите Држави и нивните сојузници размислуваат за нови дополнителни санкции против Русија поради нејзината инвазија на Украина.
