#ФОКУС

Урсула: Не ја поддржувам идејата за бојкот на самитот на Г20 ако учествува Путин

Шефот на Европската комисија, Урсула фон дер Лајен изјави дека не ја поддржува идејата за бојкот на самитот на Г20 доколку на него учествува рускиот лидер Владимир Путин.

„Треба многу внимателно да размислиме како нема да ја парализираме целата Г20. Затоа не ја поддржувам“, изјави Фон дер Лајен за германскиот телевизиски канал ZDF на маргините на самитот на Г7.

Како што додаде таа, форматот Г20 е од големо значење не само за развиените, туку и за земјите во развој, пренесува Спутник.

Според нејзиното мислење, неопходно е меѓусебно да се разговара за моменталната ситуација во светот.

Самитот на лидерите на Г20 се очекува да се одржи на 15 и 16 ноември на Бали. Поканети се лидерите на сите земји од Г-20, меѓу кои и рускиот претседател Владимир Путин.

Соединетите Американски Држави и сојузничките земји се обидоа да извршат притисок врз Индонезија, која претседава со Г20 оваа година, со цел да го откажат учеството на Русија на самитот. Сепак, официјална Џакарта одговори дека е испратена покана до Русија, дека на самитот ќе се разговара за економски прашања и дека политиката не може да влијае на агендата.

На предлог на САД и нивните сојузници, индонезиската влада ја покани и Украина на самитот.

Поврзани тагови:

#ФОКУС

Ковачевски го бранеше македонскиот идентитет, Мицкоски прифати погубна резолуција на ЕПП, вели СДСМ

Владата на чело со премиерот и претседател на СДСМ, Димитар Ковачевски се грижи за националните интереси, достоинството на сите граѓани и силно го брани македонскиот идентитет и дома и надвор, вели СДСМ

„Од друга страна е Христијан Мицкоски кој дома ги поткопуваше државните позиции со ширење невистини, а надвор прифати погубна Резолуција на ЕПП со ставови на Бугарија.

Запаметено ќе остане дека ниту ВМРО-ДПМНЕ, ниту Мицкоски не се спротивставиле на спорната Резолуција на ЕПП, дека не направиле ништо против тоа.

Разликата е голема и граѓаните ја гледаат и препознаваат.

Ковачевски го брани македонскиот идентитет, а Мицкоски премолчено прифаќа ставови на Бугарија“, се вели во соопштението.

#ФОКУС

Бектеши: Ј.К. грее базени и копа криптовалути, го знаете, не е Јелена Карлеуша

Крешник Бектеши, министер за економија, тврди дека цената на елеткричната енергија е зголемена само во четвртиот блок. Бектеши на седница за пратенички прашања рече дека граѓаните ќе плаќаат исто па и помалку со блок тарифите.

„Грејат базени, копаат криптовалути. Го знаете и самиот, Ј.К.. Не е Јелена Карлеуша. Вашиот, што ве финансира. И денеска се жалите зошто ние ги браниме граѓаните во првиот, вториот и третиот блок. 36 мегавати да се троши месечно е 85 пати повеќе од просечно македонско семејство во државата“, кажа Бектеши.

Во четвртиот блок, покачувањето на струјата е од 11,4 проценти па до 99,5 проценти.

#ФОКУС

Струјата поскапува за 7,4 проценти, Бислимоски ги кажа новите цени за сите блок тарифи

Регулаторната комисија за енергетика и водни услуги (РКЕ) донесе одлуки со кои просечната цената за електрична енергија за 98,8% од домаќинствата ќе се зголеми во просек за 7,4 %. „Без блок тарифите цената на електричната енергија ќе се зголемеше за сите домаќинства за 17,74%, наместо за сегашните 7,4% за 98,8% од домаќинствата. Со оваа реформа […]