Новак Ѓоковиќ веќе неколку дена е во Америка каде се подготвува за настап на Мастерсот во Индијан Велс, но и одлично се забавува.
Новак овој пат беше во теретана заедно со познатата скијачка Линдзи Вон, а судејќи по видеата од социјалните мрежи поминаа квалитетно време заедно.
Србинот и Американката заедно правеа вежби, а Ѓоковиќ како и обично со своите потези успеа да ја насмее големата шампионка.
„Го добив целосно искуството на Новак Ѓоковиќ во теретана… Одлично се забавувавме! Ви благодарам на вас и на вашиот тим што ми дозволивте да се приклучам. Секогаш сакам нови предизвици! Сега треба да тренирам за моментот кога ќе играме тенис заедно! Мислам дека веќе сте подготвени за скијање“, напиша Вон на Инстаграм со приложено видео.
Пред неколку дена и Линдзи објави слика со Ѓоковиќ, а сега сигурно уште подобро го запознала.
Двајцата делат и заедничка љубов кон скијањето, кое Ѓоковиќ го продолжи релативно неодамна, пред да пристигне во Америка.
Вон има 39 години, на Олимписките игри освои вкупно три медали, а има уште осум од светските првенства.
