Connect with us

#ТРЕНД

ВИДЕО: Марко ја запроси Луна Џогани

Победничката на реалното-шоу „Задруга“ и пејачка Луна Џогани вчера се сврши со момчето Марко Миљковиќ. Тие се запознаа пред повеќе од една година на снимањето на „Задруга“, каде што ја почнаа врската. Луна прва објави фотографија од моментот кога ја побарал за сопруга и се пофали дека ќе се мажи.

„Никој не веруваше во нивната љубов, никој не веруваше, но тие им ја затворија устата на злобниците и издржаа. Луна е пресреќна што Марко ја побара за жена“, рече за српските медиуми извор близок до Луна.

Љубовта на Луна и Марко почна во познатото српско ријалити. Откако шоуто заврши, тие беа неразделни, раскинаа по неколку месеци, а се смирија пролетта, откако и двајцата повторно се вратија во шоуто. Во истото реално шоу заедно со нив беа и родителите на Луна, пејачката Анабела Атијас и Гаги Џогани.

Пред врската со Марко, Луна имаше уште една врска во „Задруга“, со пејачот Слоба Радовановиќ, кој во тоа време беше оженет со Кија Коцкар. Слоба и Луна ја прекинаа врската пред крајот на шоуто, а таа долго потоа велеше дека тој е љубовта на нејзиниот живот.

Помеѓу двете учества во реалното шоу, Луна сними и неколку песни во студиото на Дарко Димитров.

#ТРЕНД

Фустанот на Ејми Вајнхаус од последниот концерт продаден за 243.200 долари

Фустанот, којшто повеќекратната добитничка на „Греми“, Ејми Вајнхаус го носеше на нејзиниот последен настап, беше продаден на аукција за 243.200 долари – 16 пати повеќе од првично проценетата вредност.

Вајнхаус го носеше зелено-црниот фустан со бамбусови мотиви, на својот концерт во Белград во јуни 2011 година. Еден месец подоцна, на 23 јули, таа почина од труење со алкохол, на само 27 години. Нејзината смрт беше кулминација на долгата (и, прилично јавна) борба против алкохолот и дрогата.

Фустанот беше еден од највредните предмети на ѕвездата, продадени од родителите на Вајнхаус – Мич и Џенис во Калифорнија. Целата колекција заработи вкупно 4 милиони долари – двојно повеќе од првичната процена на аукциската куќа „Џулиен’с“ што го спроведе наддавањето.

– Се разбира, има обожаватели, музеи и колекционери ширум светот кои ќе сакаат да поседуваат некои од овие предмети, да се грижат за нив, да ги изложуваат, да го одржуваат нејзиното наследство и паметење живо и, во истовреме, да соберат пари за фондацијата именувана по неа, изјави Мартин Нолан од аукциската куќа.

Continue Reading

#ТРЕНД

Илон Маск продаде акции на „Тесла“ за уште една милијарда долари

Извршниот директор на Тесла, Илон Маск, продаде уште 934.090 акции, или околу 1,02 милијарди долари сопственички удел во компанијата за електрични автомобили и неговата компанија која се занимава со соларна енергија, покажуваат финансиските податоци објавени доцна синоќа на Волстрит.

Во исто време, Маск ги искористи опциите за купување на скоро 1,6 милиони акции на Тесла по фиксна цена од 6,24 долари по акција, која му беше доделена како надомест во пакетот за компензација во 2012 година, бидејќи не прима плата и парични бонуси, јави Си-Ен-Би-Си.

Со користењето на опциите, чиј рок истекува следната година, Маск го зголеми својот удел во Tesla овој квартал од околу 170,5 милиони акции на над 177 милиони акции, јави Вол Стрит Џурнал.

Шефот на „Тесла“ почна да продава акции на 8 ноември, делумно за да ја намири даночната сметка што му следува врз основа на опции.

Continue Reading

#ТРЕНД

Првата СМС порака е продадена за 107.000 евра

Првата СМС порака денеска е продадена на аукција во Париз за 107.000 евра.

СМС пораката испратена на 3 декември 1992 година беше понудена на аукција од британската телекомуникациска компанија Водафон како таканаречен NFT (незаменлив токен).Во пораката се честита Божиќ. Пораката ја испратил инженерот на Водафон Нил Пепворт од компјутер до менаџер во Велика Британија кој ја примил на неговиот телефон Орбител тежок два килограми. Купувачот купил реплика на оригиналниот протокол за комуникација. Приходите од продажбата ќе бидат наменети за агенцијата на ОН за бегалци УНХЦР.

Continue Reading
Advertisement

Инста

Facebook

Facebook

Трендинг

Copyright © Mediaset.mk / 2020

error: