Connect with us

#КИНО

Која е жената убиена од актерот Алек Болдвин

Холивудскиот актер Алек Болдвин, на снимањето на филмот „Rust“, случајно ја застрела директорката на фотографија, Халина Хачинс, која почина од прострелна рана.

Халина Хачинс, чие вистинско име е Галина, имала 42 години кога настрада во несреќа, која се случила вчера во импровизирана црква на филмски сет.

Нејзиниот колега снимател Ел Шнајдер напиша на Твитер по нејзината смрт:

„Халина беше убиена за време на снимање на вестерн. Камерманите историски се држат настрана од овој жанр, а особено сурово изгледа што животот на една од ѕвездите во подем, која успеа да се пробие, заврши на проектот за кој се боревме“.

Хачинс, која е родена во Украина во 1979 година, пораснала во советска воена база во Арктичката област. Таа го посетувала Националниот универзитет во Киев и дипломирала меѓународно новинарство пред да започне да работи на британски документарни продукции како истражувачки новинар.

Подоцна се преселила во Лос Анџелес и дипломирала на Конзерваториумот на Американскиот филмски институт во 2015 година. Во 2018 година, била снимател во лабораторијата „21th Century Fox DP“, а една година подоцна била избрана за една од sвездите во подем на списание „American Cinematographer“

„Толку сум тажен поради загубата на Халина. И толку лут што се случи на снимање. Таа беше голем талент кој беше апсолутно посветен на уметноста и филмот“, напиша актерот Џо Манганиел.

#КИНО

Новите „Истерувачи на духови“ први на Боксофисот во САД

Се чини дека „профитабилниот бизнис“ за ловење духови сè уште привлекува кино публика и по речиси 40 години, објави ДПА.

Новиот филм на „Сони Пикчрс“ – „Истерувачи на духови: Животот потоа“ (Ghostbusters: Afterlife) овој викенд ги надмина очекувањата кај публиката и кино благајните. Новото продолжение заработи 44 милиони долари, поместувајќи го „Вечните“ (Eternals) на „Дизни“ од врвот на американскиот Боксофис.

Четвртиот дел од серијалот се очекуваше да собере 30 до 35 милиони долари првиот викенд, кој беше одложен за повеќе од една година поради пандемијата на коронавирус. „Вечните“ падна на второто место во третиот свој викенд, со 10,8 милиони долари, за вкупна сума од 135,8 милиони долари само во Северна Америка.

Четвртиот филм е во режија на Џејсон Рајтман – син на оригиналниот режисер на „Истерувачи на духови”, Иван Рајтман, а со Пол Рад, Кери Кун, Мекена Грејс, Логан Ким, Селест О’Конор и Фин Волфхард во главните улоги. На „Ротен томатос“ филмот постигна просек од 62 отсто, а „Лос Анџелес тајмс“ го опишал како „непромислен творечки неуспех“ кој „не е начисто со шармот и привлечноста на своите претходници“. На ИМДБ, сепак, оценката засега е 7,8 / 10.

Continue Reading

#КИНО

Замина француската легенда: почина Жан Пол Белмондо

Легендарниот француски глумец со светска слава, Жал Пол Белмондо, почина во 88-та година од животот.

Веста за AFP ја потврди неговиот адвокат.

Актерот починал во неговиот дом во Париз. „Беше многу слаб во последно време. Замина тивко.“ – ја пренесува изјавата на Мишел Годест „Франс Прес“.

Жан Пол Белмондо беше миленик на филмската публика, а особено беше обожуван од понежниот пол. Глумеше во над осумдесет филмови, остварувајќи извонредни улоги. Беше познат и по тоа што каскадерските улоги ги снимаше сам.

Славата ја достигна со култниот филм на режисерот Жан Лук Годард „До последен здив“, во кој глумеше млад бунтовник. Меѓу најзначајните негови филмски остварувања се „Борсалино“. „Маргиналец“, „Гори ли Париз“, „Човекот од Рио“ и „Човекот од „Хонг Конг“ и филмската класика „Професионалец“.

Continue Reading

#КИНО

ОСКАРИ на Сител на 26-ти февруари, 14 номинации за „Ла Ла Ленд“


Американската Академија за филмски уметности и наука денеска ги соопшти номинациите за наградата Оскар во 24 категории. Мјузиклот „Ла Ла Ленд“ освои рекордни 14 номинации, меѓу кои за најдобар филм, режија (Дамиен Чазел), најдобар актер и актерка (Рајан Гослинг и Ема Стоун), со што се изедначи со филмовите „Титаник“ и „Се за Ева“ по број на номинации. 14 години откако „Чикаго“ освои Оскар за најдобар филм, повторно мјузикл е фаворит за главната награда.

По 8 номинации имаат филмовите „Месечева светлина“ и „Пристигнување“. Покрај овие две остварувања и „Ла Ла Ленд“ , за најдобар филм номинирани се и: „Огради“, „Лав“, „По секоја цена“, „Скриени фигури“, „Манчестер на море“ и „Гребенот на спасените“, кој му донесе номинација за режија на Мел Гибсон, што беше вистинско изненадување.

Оскаровката Мерил Стрип ја освои нејзината дваесетта номинација за улогата во „Флоренс Фостер Џенкинс“, со што постави нов рекорд за актерски номинации. За најдобра актерка номинирани се и Ема Стоун, Натали Портман за „Џеки“, Рут Нега за „Сакана“ и Изабел Ипер за „Таа“.

За најдобар актер номинирани се: Рајан Гослинг, Кејси Афлек за „Манчестер на море“, Виго Мортенсен за „Капетан Фантастик“, Дензел Вашингтон за „Огради“ и Ендру Гарфилд за „Гребенот на спасените“.

Изненадување беше што изостанаа номинации за Хју Грант, Том Хенкс и Ејми Адамс.

За најдобар филм од неанглиско говорно подрачје номинирани се: данскиот „Земја на мини“, иранскиот „Продавач“, шведскиот „Човекот наречен Ове“, австралискиот „Тана“ и германскиот „Тони Ердман“.

ТВ Сител ексклузивно ќе го пренесува 89-то доделување на филмските награди Оскар в недела,  26-ти  февруари. 



Continue Reading
Advertisement

Инста

Facebook

Facebook

Трендинг

Copyright © Mediaset.mk / 2020

error: