Српскиот актер Милош Биковиќ доби руско државјанство. Информацијата беше објавена на официјалниот портал за правни информации на Русија, ја потврди и актерот на „Инстаграм“.
„Повеќе од 7 години активно учествувам во културниот живот на Русија. За мене е тоа благослов. Од првиот ден се чувствувам прифатен во сите сфери на општеството, а сега тоа го потврди и рускиот претседател, кој потпиша да добијам државјанство“, напиша актерот.
„Да се даде руско државјанство на следниве лица:… Милош Биковиќ, роден на 13 јануари 1988 година во Србија“, стои во указот потпишан од рускиот претседател Владимир Путин.
